ёшлик

от 1. Ёш эканлик; ёш бўлган пайт, давр.

Аҳмад олти ёшлигида ота-онасидан жудо бўлди. — Ф. Мусажонов, Ҳиммат

У ёшлигида ихтисослашган физика-математика мактабида ўқиди. — О. Мўминов, Хиёбондаги уч учрашув

2. Ўсмирлик, навқиронлик.

Ёшлик чоғлари.

Робия ҳам абадий ёʻқолган беғубор ёшлигига куюниб йиғламоқда эди. — П. Қодиров, Юлдузли тунлар

Ёшлигим, куч билан тўлган ёшлигим, Яшноқ давримизга ёʻлдошлигим. — С. Абдулла

3. Ёшларга хос хатти-ҳаракат, хусусият.

Ёшлик ғурури.

Ёшлик шижоатига кенг ёʻл бериш лозим. — Газетадан

Ўрта бўйли, хуш-қомат вужудидан ёшлик кучи ва ғайрати ёғилиб турган қоп-қора жувон отда ёʻл бўйида турар, Акрамжон ўз отининг айилини қайта боғламоқда эди. — А. Қаҳҳор, Минг бир жон

Кўзларида ёшлик шўхлиги чақнаб турган Шербек ҳадегандай бош қимирлатди. — С. Анорбоев, Оқсой