yorugʻlik

ёруғлик

6 ta lugʻatda uchraydi JSON Shevalarda Barcha qidiruv natijalari

Izohli lugʻat

yorugʻlik

ot 1. Yogʻdu, nur; ravshanlik.

Yorugʻlik tezligi (fizika).

Biroq hujraning ichi oqshom kabi qorongʻi, dahliz orqali tushgan yorugʻlik hujrani yoritishga kifoya qilmaydi. — A. Qodiriy, Obid ketmon

Quyosh yashiringan boʻlsa ham, kunduzning yorugʻligi hali tamom soʻnmagan edi. — Oybek, Tanlangan asarlar

2. koʻchma Ozod, baxtli hayot; roʻshnolik.

Qorongʻi kun mangu boʻlmas. Yorugʻlikka chiqib ketamiz. — I. Rahim, Chin muhabbat

Oqrabotga ketadigan katta yoʻl yaqinida umrbod yorugʻlik uchun kurashuvchilar oʻtiribdi. — Sh. Toshmatov, Erk qushi

Yorugʻlik yili Yorugʻlik nurining bir tropik yilda oʻtadigan yoʻliga teng oʻlchov birligi. Oʻn million yorugʻlik yili hazilakam masofa boʻlmasa kerak?! — O. Moʻminov, Xiyobondagi uch uchrashuv
Yorugʻlik chiqmaydi Biror kishiga foydasi tegmaydi. Bobur mirzoning tabiati pokiza, koʻngli tiyrak ekanini koʻp odam bilar ekan. Atrofdagi podsholardan yaxshilik chiqmasa ham, Bobur mirzodan bir yorugʻlik chiqar, deb umid qilganman [dedi Tohir]. — P. Qodirov, Yulduzli tunlar
Yorugʻlikka chiqmoq Baxtli, ozod hayotga erishmoq. Hurriyat eʼlon qilinganiga sakkiz-toʻqqiz oy oʻtayotgan boʻlsa ham, mehnatkash yorugʻlikka chiqmadi. — N. Safarov, Olovli izlar