ёруғлик

yorugʻlik

1 та луғатда: Изоҳли яна 5 та луғатда — ҳаммасини кўриш ЖСОН Шеваларда Барча қидирув натижалари

Изоҳли луғат

ёруғлик

от 1. Ёғду, нур; равшанлик.

Ёруғлик тезлиги (физика).

Бироқ ҳужранинг ичи оқшом каби қоронғи, даҳлиз орқали тушган ёруғлик ҳужрани ёритишга кифоя қилмайди. — А. Қодирий, Обид кетмон

Қуёш яширинган бўлса ҳам, кундузнинг ёруғлиги ҳали тамом сўнмаган эди. — Ойбек, Танланган асарлар

2. кўчма Озод, бахтли ҳаёт; рўшнолик.

Қоронғи кун мангу бўлмас. Ёруғликка чиқиб кетамиз. — И. Раҳим, Чин муҳаббат

Оқработга кетадиган катта ёʻл яқинида умрбод ёруғлик учун курашувчилар ўтирибди. — Ш. Тошматов, Эрк қуши

Ёруғлик йили Ёруғлик нурининг бир тропик йилда ўтадиган ёʻлига тенг ўлчов бирлиги. Ўн миллион ёруғлик йили ҳазилакам масофа бўлмаса керак?! — О. Мўминов, Хиёбондаги уч учрашув
Ёруғлик чиқмайди Бирор кишига фойдаси тегмайди. Бобур мирзонинг табиати покиза, кўнгли тийрак эканини кўп одам билар экан. Атрофдаги подшолардан яхшилик чиқмаса ҳам, Бобур мирзодан бир ёруғлик чиқар, деб умид қилганман [деди Тоҳир]. — П. Қодиров, Юлдузли тунлар
Ёруғликка чиқмоқ Бахтли, озод ҳаётга эришмоқ. Ҳуррият эълон қилинганига саккиз-тўққиз ой ўтаётган бўлса ҳам, меҳнаткаш ёруғликка чиқмади. — Н. Сафаров, Оловли излар