yorqin

ёрқин

6 ta lugʻatda uchraydi JSON Shevalarda Barcha qidiruv natijalari

Izohli lugʻat

yorqin

sft. 1. Yorugʻ, yogʻduli, nurli; tiniq.

Yorqin kun.

Quyosh chiqib, anhor yoqasidagi tollarni oltinlatgan, toza, yorqin havo koʻzni qamashtiradi. — Oybek, Tanlangan asarlar

Yorqin koʻklam kunlarining birida Oʻtar jamoadan uyiga odatdagidan barvaqtroq qaytib, ertasi kun maktab ochilishini xabar qildi. — H. Gʻulom, Mashʼal

2. Aniq, ravshan, yaqqol.

Ahmad Husayn uzoq soʻzladi, dehqonlarning hayotini yorqin, chuqur tafsilli hikoya qildi. — Oybek, Nur qidirib

Hamid Olimjonning butun ijodida kishilar obrazi yorqin talqin etilgan. — N. Safarov, Olovli izlar

Romanda shahar tasviri ham togʻ qishloqlarining goʻzal manzaralari ham yorqin ifodalangan. — S. Karomatov, Oltin qum

3. koʻchma Baxtiyor, baxtli; nurafshon.

Yorqin hayot.

Hayot har qachondan koʻra koʻrkam va yorqin edi. — Shuhrat, Shinelli yillar

Bundan tashqari, u totuv va sogʻlom ishchi oilasida oʻsib, koʻp yorqin damlarni boshdan kechirgan, shuning uchun ham qiyofasi nurga serob edi. — P. Qodirov, Uch ildiz

4. Taʼsirchan, esda qolarli; oʻlmas, oʻchmas.

U [Yusufjon qiziq] oʻzining yorqin va oʻziga xos talanti bilan oʻtkir hajv yordamida baxtli hayot qurishda oʻzbek xalqiga toʻsqinlik qilgan kuchlarni qahr-gʻazab bilan fosh qildi. — T. Obidov, Yusufjon qiziq

Joʻraxonning qahramonligi, jasorati, yorqin xotirasi, ishlari qalblarda, hayotda abadiy qoladi. — Nazarmat, Joʻrlar baland sayraydi

5. Yorqin (erkak va xotin-qizlar ismi).

Oʻzbekcha-turkcha izohli lugʻat

YORQIN

1. Yorugʻ, yogʻduli; tiniq.AYDIN, MÜNEVVER

2. Aniq, ravshan, yaqqol.AÇIK, NET

Ruscha-oʻzbekcha va oʻzbekcha-ruscha lugʻat

yorqin

светлый, яркий, блестящий

Inglizcha-oʻzbekcha, oʻzbekcha-inglizcha lugʻat

yorqin

a light, shining, vivid, striking, lively