ёлғиз

сфт. 1. Бирорта ҳам шериги ёʻқ, бир ўзи; якка, танҳо.

Ёлғиз дарахт. Ёлғиз ўзи келди. Ёлғиз отнинг чанги чиқмас, чанги чиқса ҳам, донғи чиқмас. — Мақол

Шубҳали ёлғиз ёʻловчи кетганича кўринмади-қўйди. — Ҳ. Ғулом, Машъал

2. Ака-ука ва опа-сингиллари ёʻқ; ота-онанинг ягона фарзанди.

Ёлғиз ўғил.

Ҳар бир она сингари Тўқсон буви ҳам ўз ёлғизининг бахтли бўлишини истарди. — Н. Сафаров, Оловли излар

[Ёрмат:] Эл орасида мени шарманда қилма, ёлғиз қизимсан, аяб турибман. — Ойбек, Танланган асарлар

Аямнинг ёл-ғиз ўғли урушга кетиб, келини уч боласи билан қолибди. — С. Сиёев, Ёлғизлик

3. Кимсасиз, ҳеч ким ёʻқ.

Уй ёлғиз бўлгани учун холамникида бирпасгина ўтириб қайтдим. — Р. Файзий, Чўлга баҳор келди

4. юкл. взф. Фақат, биргина.

[Адолат] Ёлғиз ўз тақдирини эмас, ўзига ўхшаган юз-лаб хотин-қизларнинг тақдирини ўйлайди. — С. Зуннунова, Гулхан

Аҳмад Ҳусайн бир неча кун уйдан қўзғалмади. Унинг эрмаги ёлғиз китоблар бўлди. — Ойбек, Нур қидириб

— Жуфтлик ёлғиз кишилар орасидагина эмас, ер юзидаги ҳар бир махлуқда ҳам бор — деди Анвар. — А. Қодирий, Меҳробдан чаён