ёл

yol

1 та луғатда: Изоҳли яна 7 та луғатда — ҳаммасини кўриш ЖСОН Шеваларда Барча қидирув натижалари

Изоҳли луғат

ёл И

от Бир қатор ҳайвонлар гардани (бўйни)да бўладиган узун юнг, қил тутамлари.

Шер ёли.

Буғдойпоя ёқалаб ўтган тупроқ ёʻлда оқ ёлини елпитиб, бўз от ёʻрғалаяпти. — Ш. Холмирзаев, Бодом қишда гуллади

Теваракдаги кишилар бир менга ва бир тойчамга қарайдилар. Мен уялиб, тойчамнинг ёлини тарайман. — А. Қодирий, Улоқса

Юрагида (ёки кўкрагида) ёли бор Ҳақиқий эркак, мард. Лекин чўлда юрагида ёли бор баҳодирлар қолди. — Назармат, Жўрлар баланд сайрайди— Қани, юрагида ёли бор шерлар бўлса, майдонга чиқсин, канал қазиб, қўриқ очамиз, — деди Ҳамза. — Н. Сафаров, Оловли излар

ёл ИИ

от шв. Сайр, истироҳат.

Яшил ўрмон бўлур ҳали Кўл айланаси, Ёз кунлари ёл эткали Қушлар панаси. — Миртемир

Ҳали ишга рухсат ёʻқ! Уч кун аввал келдингиз, ҳозирча ёл этингиз. Яшин ва М. — Раҳмон, Сирдарё

Қуёш нимадандир хижил бўлиб қочгандай, булутлар орасида ёл этади, насим эса байроқларни тин-май ўйнатади. — Миртемир, Тингла, ҳаёт