yigʻloqi

sft. 1. ayn. Yigʻloq.

Onalar injiq, yigʻloqi bolalarini gapimga kirmasang, chakalakzorga eltib tashlayman degan poʻpisa bilan tiyib kelishgan. — J. Abdullaxonov, Xonadon

2. Yigʻi tovushiga oʻxshash, yigʻi kabi.

Bozorinav masjidining pastakkina mezanasiga chiqib, shom azonini aytgan soʻfining yigʻloqi ovozi uni oʻziga keltirdi. — S. Karomatov, Bir tomchi qon

Mahkam nimaligiga tushunolmas, har qalay, bu ashula emas, qandaydir yigʻloqi nolish edi. — R. Fayziy, Hazrati inson

3. koʻchma Kishini ezadigan; mungli (kuy, ohang va shu kabilar haqida).

Mungli bulbulday Ingradi tinmay, Bagʻrim ezardi, Borliqni yoqib Yigʻloqi surnay. — Gʻ, Gʻulom

Yozarmidim yigʻloqi baytni, Titrarmidim koʻzda yosh bilan? — A. Oripov

Bu qoʻshiqlarning [nasihat qoʻshiqlari] badiiy saviyasi past va ohangi yigʻloqi. — Oʻ. Rashid, Qoʻshiqlar haqida

русскийплаксаанглийскийcry-baby, weeperфранцузскийpleureur, pleurnicheur, pleurardарабскийدَمَّاعٌ, بَكَّاءٌ