яшнамоқ

фл. 1. Барқ уриб ўсмоқ, гулламоқ, гули очилмоқ.

Олдин экилган ғўзаларимиз эса кун сайин яшнаяпти. — Р. Азизхўжаев, Яшил чайла

Юз очмиш, яшнамиш сумбул ва лола. — Ғайратий

2. Ўзига тортадиган гўзал ҳолга келмоқ; ёрқинлик, кўркамлик касб этмоқ; гўзаллашмоқ.

Баҳор келиши билан дала яшнар.

Эл келтириб ёйди пояндоз, Яшнаб кетди ҳовуз бўйлари. — Э. Раҳим

Гулнорнинг бўйи ўсиб, кўкраги тўлишиб, бутун гавдаси қизлик латофати билан яшнаган чоғда, бойвачча уни кўз тагига олиб қўйган эди. — Ойбек, Танланган асарлар

У [Асрора] кирган уй яшнаб кетади. — С. Аҳмад, Уфқ

3. кўчма Ривож топмоқ, камолга эришмоқ; авж олмоқ.

[Ёʻлчи:] Халқ борган сари пачақланаверади, бойлар яшнайверади, негаки илдизи кучимизни сўради-да. — Ойбек, Танланган асарлар

Одамларда ғайрат ва ташаббус яшнаб кетди. — А. Қаҳҳор, Қўшчинор чироқлари

Саидийнинг қалбидаги сўна бошлаган муҳаббат чўғи яшнай бошлади. — А. Қаҳҳор, Сароб

4. Порлаб, чақнаб, яшнаб кўринмоқ, намоён бўлмоқ.

Юлдузлар чароғон бўлиб яшнамоқда.

Қўша-қўша гиламлар яшнаган бу уй, Унсин ёлғиз қоларкан, аллақандай совуқ туюлди. — Ойбек, Танланган асарлар

5. кўчма Яйрамоқ, ёзилмоқ.

Янги турмуш боғларинда Ёш кўнгиллар яшнасин! — Ҳамза

Ҳар замон бўл билим ўчоғида, Яшнаган маърифат қучоғида. — Ғайратий

Паранжини ўт-оташга Ташлаганим-ташлаган, Давлат қуши қўнган бошга, Яшнаганим-яшнаган. — З. Диёр

1. Барқ уриб ўсмоқ, гули очилмоқ.ÇİÇEKLENMEK, GÜZELLEŞMEK

2. Ривож топмоқ, камолга эришмоқ.BAŞARILARLA GELİŞMEK

цвести, расцветать, процветать

в blossom (out), flourish, bloom

blühen vi, in Blüte stehen

prosper, blossom

русчацвести, расцветать, процветатьинглизчаto flourish, to prosper, to developфрансузчаse développer, s'épanouir, fleurirарабчаإِزْدَهَرَ, لَأَ لَأَ, بَهِجَ (يَبْهَجُ)