yashirmoq

яширмоқ

8 ta lugʻatda uchraydi JSON Shevalarda Barcha qidiruv natijalari

Izohli lugʻat

yashirmoq

fl. 1. Birov bilmaydigan, koʻrmaydigan yoki topa olmaydigan joyga qoʻymoq, berkitib qoʻymoq.

Kalitni yashirmoq. Pulni yashirmoq.

Yoʻlchi uchun keltirilgan tugunchak yodiga tushdi. Uni paranjiga oʻrab, taxmonning burchagiga yashirib qoʻygan edi. — Oybek, Tanlangan asarlar

Odamlar molini yashirsa, biz mana, koʻrib turibsizlar, bir dona gugurt choʻpini ham ostonadan tashqariga chiqarmadik. — A. Qahhor, Qoʻshchinor chiroqlari

Qushbegi javob berish oʻrniga, maktubni olib, koʻrpacha ostiga yashirdi. — A. Qodiriy, Oʻtgan kunlar

2. Koʻrinmaydigan holatga olmoq; pana qilmoq, berkitmoq.

Birovdan yuzini yashirmoq. Roʻmol uchi bilan ogʻzini yashirmoq. Bir qoʻlini orqasiga yashirmoq.

Raʼno oʻziga qarab kelguvchi Anvarga yer ostidan kulumsirab olgach, bir oz koʻrinib turgan oyoq uchlarini sariq atlas koʻylagi bilan yashirdi. — A. Qodiriy, Mehrobdan chayon

Yashiray deb koʻz-da yoshini, Quchib oldi qizning boshini. — E. Raxim

Ellikboshi olomonga qayrilib, bir qoʻli bilan shish koʻzlarini yashirgan holda, ikkinchi qoʻlini musht qilib, doʻq urdi. — Oybek, Tanlangan asarlar

3. koʻchma Maxfiy saqlamoq, sir tutmoq.

Ismini yashirmoq. Maqsadini yashirmoq. Sevgisini yashirmoq. Gʻazabini yashirmoq. Sirini yashirmoq.

Ular har ikkovlari ham hayajonlarini yashira olmay, bir-birlariga tikilib qolishdi. — M. Jaloliddinova, Keyinroq

Jonfigʻon buni [ishlamasligini], albatta, talay vaqtgacha xotinidan yashirib yuribdi. — A. Qahhor, Jonfigʻon

Kasalingni yashirsang, oʻrtoqjon, isitmasi oshkor qiladi. — N. Safarov, Hayot maktabi

Oʻzbekcha-turkcha izohli lugʻat

YaSHIRMOQ

1. Birov bilmaydigan, koʻrmaydigan yoki topolmaydigan joyga qoʻymoq.SAKLAMAK, GİZLEMEK

2. Birovga bildirmaslikka, oshkor qilmaslikka, maxfiy saqlashga urinmoq, sir tutmoq.

Soʻz boshqaruvi lugʻat-maʼlumotnomasi

yashirmoq

CHK Bli TK: U mendan (kimdan?) xatni (nimani?) yashirdi.ruschaутаить от РП ВП: Он утаил от меня (от кого?) письмо (что?).inglizchato conceal smth. from smb.: He has concealed the letter (what?) from me (whom...from?).