якка

сфт. 1. айн. Ягона 1.

Якка туп ўрик. Якка ўзим келаман. Якка бортли костюм.

Мунисхон онанинг якка қизи эди. — С. Зуннунова, Меҳнат ва турмуш

Қишлоқ тинчлигини бузган бу якка от туёқларининг тарақ-туруқи, тақаларнинг тошларга урилишидан чиққан ялт-юлт чақмоқ дам ўтмай узоқлашди. — С. Анорбоев, Оқсой

Бирон қонунни бузсанг, жазосини ўзинг якка тортасан. — А. Қаҳҳор, Олтин юлдуз

2. Ҳеч кимсиз; ёлғиз, кимсасиз.

Зайнаб қолди бечора якка На бир сирдош, нада бир ёʻлдош. — Ҳ. Олимжон

Нима бўлса ҳам яккаман Кўза кунда эмас, кунида синади. — Ойсулув

Бир қояда гариллаб чақиради, Добили ярқиллаб, бир одам якка. — Нурали

3. айн. Ягона 2.

Эзгулик бобида фақат у якка, Фақат у барчага тенг ва баробар. — А. Орипов

4. Бошқаларга қўшилмасдан, ўзи алоҳида бўлган.

Якка ҳунарманд. Якка деҳқон.

Гапнинг боши шуки, ўша сен пул қистаб борганда, у Ҳайдар ҳожидан ажраб, ўзи якка дўкон очиш ҳаракатида юрган эди. — А. Қаҳҳор, Сароб

5. кўм. взф. кам қўлл. Фақат.

Ёлғиз мени ўйла интизор, Ўйларингда мен яшай якка. — Р. Парфи