яғрин

yagʻrin

4 та луғатда учрайди ЖСОН Шеваларда Барча қидирув натижалари

Изоҳли луғат

яғрин

от 1. Тананинг икки елка оралиғидаги орқа қисми; курак усти.

Яғрини кенг йигит.

Каравот четига ўтириб кийинди, коридорда қизаргунча ювинди, ҳўл сочиқ билан кўкрак, бўйин ва яғринларини обдан ишқалаб, қонини бетга тептирди. — Шуҳрат, Шинелли йиллар

Кун қизиқ. Офтоб яғриндан уриб туради. — Ғ. Ғулом, Шум бола

2. Ҳайвонларда белнинг юқори қисми, икки елка оралиғи.

От яғринини талаётган чивинларни думи билан тўзитиб юборар. — С. Аҳмад, Қадрдон далалар

Яғринига офтоб тегмоқ Бахти очилмоқ, омади келмоқ. — Э, хотин, мана бизнинг ҳам қўлимиз узун бўлиб қолди. Ошиғимиз олчи. Пешонамиз ялтираб, яғринимизга офтоб тегадиган бўлди, — деди Остонақул. — С. Абдуқаҳҳор, Санамай саккиз дема

Ўзбекча-туркча изоҳли луғат

ЯҒРИН

Тананинг икки елка оралиғидаги орқа қисми; курак усти.SIRT

Русча-ўзбекча ва ўзбекча-русча луғат

яғрин

верхняя часть спины у плеч, загорбок, холка