yagʻir

ot 1. Ot, eshak, tuya singari hayvonlar ustida terining ogʻir yukdan ezilishi, ishqalanishi tufayli yuz beradigan yiringli yara, jarohat.

Yoli quyuq eshakdan, yagʻir boʻlgan ot yaxshi. — Maqol

Tuya qancha katta boʻlsa, yagʻiri ham shuncha katta. — Maqol

Yoʻngʻichqapoyalarga qoʻyib yuborilgan eshaklarning yagʻirlarini qargʻalar choʻqimoqda. — S. Ayniy, Qullar

2. koʻchma Ogʻir yuk yoki zarba tufayli kishi yelkasida hosil boʻlgan jarohat, yara.

Yagʻir etdi arqon yelkamni, Badan kuyib, tosh boʻldi tovon. — E. Rahim

Ogʻir yukda yagʻir boʻldi Oppoq, nozik yelkalar. Hamza. — -Husan

moʻmin, qobil bola. Yelkasi Samsoqboyning qamchisidan yagʻir boʻlgan, — dedi Arslonqul. — B. Rahmonov, Mardlar qissasi

3. koʻchma Juda iflos, isqirt (ust-bosh haqida).

Toʻpping muncha yagʻir boʻlib ketibdi.

— Yagʻir yostigʻingizni yerga qoʻying, — dedi Xolniso, — baytalmonni muncha quchoqlaysiz. — Mirmuhsin, Chiniqish