xush
хушxush
ot Yaxshi, yoqimli.
Yaxshi kuy va qoʻshiq insonga xush kayfiyat bagʻishlaydi. — Gazetadan
Dimogʻga bir xush hid uradi Bogʻlar oshib kelgan shabboda. — X. Saloh
- Vaqti (yoki koʻngli) xush Kayfi chogʻ, xursand. Vaqti xush boʻp, karnay-surnay qoʻyadi, Oʻyinchi, sozanda bari keladi. — Bahrom va GulandomFarhodning koʻngli xush boʻlib, Oilasi ham birga ketdi. — Bahrom va Gulandom
- Xush yoqmoq Juda yoqmoq, maʼqul tushmoq. Bunaqa shart ellikboshiga albatta xush yoqadi-da! Darrov hovlini oʻz bahosidan ancha ortiqqa olibdi. — A. Qahhor, Qoʻshchinor chiroqlari
- Xush kelibsiz! yoki xush keldingiz! Mehmon kelganda, hurmat yuzasidan aytiladigan ibora. — Xush kelibsiz, safo kelibsiz, juda xursandman, — dedi uy egasi. — M. Osim, Ibn Sino qissasi
- Xush kelmoq Yoqmoq, yaxshi koʻrmoq. Uning oʻziga sariq atlas xush kelsa-da, biroq hozir oʻz xohishini bir yoqqa qoʻya turib, Otabek koʻnglicha kiyinishga qaror qildi. — A. Qodiriy, Oʻtgan kunlar
- Xush koʻrdik [Bobur: ] — Xush koʻrdik, begim, — dedi-da, unga oʻng yelkasini tutdi. — P. Qodirov, Yulduzli tunlar
- Xush koʻrmoq Yoqtirmoq, yaxshi koʻrmoq. Ammo Anvarning ayniqsa xush koʻrgan kishilaridan birinchisi Raʼno va ikkinchisi Nasim ismli bola edi. — A. Qodiriy, Mehrobdan chayon
- Xush endi! Xayrlashish vaqtida aytiladi; xayr. Mening bilan birga kelgan Mehribonlar, xush endi! — Bahrom va Gulandom
- Xush qoling Xayrlashish vaqtida ketuvchining qoluvchiga yaxshilik tilab aytadigan iborasi. Azamatlar, naʼra sherlar Beg-u xonlar, xush qol endi! — Erali va Sherali
- Xushi yoʻq Xohlamaslik, yoqtirmaslik; xohishi yoʻq. Dasturxonda holva, novvot, murabbo Zargarovning bularga xushi yoʻq — A. Muxtor, Boʻronlarda bordek halovat
- Xushi kelmoq Kayfiyati yaxshi boʻlmoq. Bundaylar haqida xalqda koʻcha xandon, uy zindon, degan naql bor. Chunki xushi kelganda, undan quvnoq odam yoʻq. — J. Abdullaxonov, Oriyat
- Xushiga kelsa Xohlasa, yoqtirsa. Xushingga kelsa — shu, boʻlmasa, bilganingni qil.