xilvat

sft. 1. Odamlardan, koʻzdan yiroq, hech kim koʻrmaydigan, odam kam boʻladigan; pana, ovloq, chekka.

— [Chol] Biz bilan xilvat uyda gaplashdi, — dedi Usmon. — O. Husanov, Qoʻshiqchining taqdiri

Usmonbek Oʻratepa qozisiga qarashli xilvat va dabdabali uyda yolgʻiz, daricha yonida oʻtirib, Turkistonning harbiy kartasini koʻzdan kechirmoqda. — Sh. Toshmatov, Erk qushi

Imtihon haftasi kirishi bilan fakultetda xilvat burchak qolmadi. — A. Qahhor, Sarob

Keyingi yakshanba borilgan joy haqiqatan salqin, xushhavo, xilvat yer ekan. — S. Abdulla, Oʻrtoq Xolnazarov

2. ot Tinch, osuda joy.

[Husayn:] Doʻstim, yoshligimizni zamon olib ketdi qolgan umrimizni xilvatda va farogʻatda oʻtkazaylik. — Uygʻun va I. Sulton, Alisher Navoiy