ВЯЗКОСТЬ БУРОВОГО РАСТВОРА

suyuqlik harakatlanganda uning ayrim qatlari oraligʻidagi ichki ishqalanishni bildiradigan xususiyat. Strukturaga ega boʻlmagan suyuqlik va haqiqiy eritmalar haqiqiy qovushqoqlikka ega boʻladi. Qovushqoqligini oshirish maqsadida burgʻilash eritmasiga gil kukuni va maxsus kimyoviy reagentlar qoʻshilganda uning mayda zarralari yuzasi yupqa parda bilan oʻraladi, natijada ular bir-biriga yopishmasdan harakatlan imkoniyatiga ega boʻladi. Lekin, molekulyar kuchlar taʼsirida tinch turgan eritmadagi gil zarralar himoya pardalari yupqa boʻlgan joylaridan bir-biri bilan birikishi va natijada quyuqlashuvi mumkin. Bunday eritmani yana oqizish uchun uning qovushqoqligini pasaytirish va hosil boʻlgan strukturani buzish lozim. Tarkibida K-4, K-9, KMS, gipan va boshqa kimyoviy reagentlari yetarli miqdorda boʻlgan burgʻilash eritmalarining qovushqoqligi va strukturasi normal holatda boʻladi. Strukturali qovushqoqlikni oʻlchash juda murakkab boʻlganligidan dala sharoitida shartli qovushqoqlik VP-5 viskozimetrida oʻlchanadi. Normal sharoitli burgʻilash jarayonida bu koʻrsatkich 30-60 sekundga teng. VP-5 asbobi oddiy voronka shaklida ishlangan. Undan maʼlum miqdordagi burgʻilash eritmasini oqib tushish vaqti (sekund, minut) shartli qovushqoqlik koʻrsatkichi qilib olingan., Burgʻilash eritmasining qovushqoqligi