ВЯЗКОСТЬ БУРОВОГО РАСТВОРА

суюқлик ҳаракатланганда унинг айрим қатлари оралиғидаги ички ишқаланишни билдирадиган хусусият. Структурага эга бўлмаган суюқлик ва ҳақиқий эритмалар ҳақиқий қовушқоқликка эга бўлади. Қовушқоқлигини ошириш мақсадида бурғилаш эритмасига гил кукуни ва махсус кимёвий реагентлар қўшилганда унинг майда зарралари юзаси юпқа парда билан ўралади, натижада улар бир-бирига ёпишмасдан ҳаракатлан имкониятига эга бўлади. Лекин, молекуляр кучлар таъсирида тинч турган эритмадаги гил зарралар ҳимоя пардалари юпқа бўлган жойларидан бир-бири билан бирикиши ва натижада қуюқлашуви мумкин. Бундай эритмани яна оқизиш учун унинг қовушқоқлигини пасайтириш ва ҳосил бўлган структурани бузиш лозим. Таркибида К-4, К-9, КМС, гипан ва бошқа кимёвий реагентлари етарли миқдорда бўлган бурғилаш эритмаларининг қовушқоқлиги ва структураси нормал ҳолатда бўлади. Структурали қовушқоқликни ўлчаш жуда мураккаб бўлганлигидан дала шароитида шартли қовушқоқлик ВП-5 вискозиметрида ўлчанади. Нормал шароитли бурғилаш жараёнида бу кўрсаткич 30-60 секундга тенг. ВП-5 асбоби оддий воронка шаклида ишланган. Ундан маълум миқдордаги бурғилаш эритмасини оқиб тушиш вақти (секунд, минут) шартли қовушқоқлик кўрсаткичи қилиб олинган., Бурғилаш эритмасининг қовушқоқлиги