voyaga yetmoq

fl. 1. Ulgʻayib balogʻatga (balogʻat yoshiga) yetmoq.

Voyaga yetgan qiz.

Maʼlumki, soʻnggi yillarda ichkilik-bozlik va giyohvandlik voyaga yetmagan bolalar oʻrtasida ham keng tarqatmoqda. — Gazetadan

2. Umuman, yosh va boshqa jihatdan yetuk (yetilgan) darajaga erishmoq.

— Men shunday tabarruk, fidokor insonni tugʻib voyaga yetkazgan onani albatta koʻrishim kerak, — dedi mehmon. — Nazarmat

Madatov oilasida 8 farzand tugʻilib voyaga yetdi. — Nazarmat, Joʻrlar baland sayraydi

3. Maʼlum bir ish, faoliyatda yetuklikka, kamolotga erishmoq.

oqsoqol yozuvchilar qurultoyga oʻz koʻz qorachiqlaridek ardoqlab voyaga yetkazgan oʻnlab talantli shogirdlarini ergashtirib keldilar. — N. Safarov, Olovli izlar

4. Unib, oʻsib yetilmoq.

Daromadni yegani-ku yegan, voyaga yetgan meva daraxtlarini kesib ketayotgani nimasi? — Mushtum

tashlagan danaklar koʻkarib, voyaga yetib, hosilga ham kiribdi. — S. Anorboyev, Yoʻlda yoʻldosh boʻlganlar