Внутренняя композиция

Badiiy asarning mazmun strukturasini anglatadigan shartli termin. Ichki kompozitsiya tashqi kompozitsiyadan farq qilib, bevosita asar mazmuni bilan bogʻliq boʻladi. Har qanday badiiy asar maʼlum bir izchillikdagi voqealar, hodisalar ifodasidan iborat boʻlib, bu izchillik darajasi ijodkorning kompozitsion prinsiplari bilan bogʻliq. Yozuvchi aytmoqchi boʻlgan fikriga mos ravishda tasvirlanayotgan voqealarga tartib beradi. Asar kompozitsiyasining buzilishi asarning badiiyligiga ham, gʻoyaviyligiga ham putur yetkazadi. Agar shoir sheʼrda aytish mumkin boʻlgan fikrni poemada aytsa, bu hol asar mazmuni bilan uning kompozitsiyasi oʻrtasidagi nomutanosiblikka, keraksiz tafsilotlarning koʻpayishiga sabab boʻladi. Odatda, kompozitsiya deyilganda, ichki kompozitsiya nazarda tutiladi. Ijodkor asarning ichki kompozitsiyasini oʻzgartirishda, albatta asar mantiqiga, ichki kompozitsiya talabiga boʻysunadi., ichki kompozitsiya