Ваганты или голиарды

vagantlar yoki goliardlar. XI—XIV asrlarda Germaniya, Fransiya, Angliya va Shimoliy Italiyada mavjud boʻlgan adabiy oqim vakillari. Vagantlar asosan darbadarlikda hayot kechiruvchi studentlar va sayoq artistlardan iborat boʻlgan. Vagantlar poeziyasida antik adabiyot taʼsiri yaqqol sezilib turadi. Vagantlar koʻcha-koʻylarda latincha qoʻshiqlar aytib, evaziga pul yigʻib, tirikchilik qilganlar. Ular din va cherkovni qoralovchi, may va muhabbatni madh etuvchi sheʼrlar yaratganlar. Dunyoviy ruhdagi vagantlar poeziyasining gullagan davri XII—XIII asrlarga toʻgʻri keladi.