устки

сфт. 1. Юқорида, тепа қисмда жойлашган; юқориги, тепадаги.

Устки тиш. Устки жағ. Уйнинг устки қавати.

[Камолхонов] Сулаймоновнинг кулмаганини кўриб, ўзини жиддий кўрсатиш учун, қошларини чимирди, устки лабини сўра бошлади. — А. Қаҳҳор, Икки ёрти — бир бутун

2. Нарсанинг ташқи қисмида, сиртида жойлашган; сиртидаги.

Нормат бинтни противогаз халтасининг устки чўнтагига солиб қўйди. — И. Раҳим, Чин муҳаббат

Шудгорларни бороналашни тупроқнинг устки қатлами етилиши биланоқ бошлаш керак. — Газетадан