urinmoq

уринмоқ

6 ta lugʻatda uchraydi JSON Shevalarda Barcha qidiruv natijalari

Izohli lugʻat

urinmoq

fl. 1. Oʻzini har tomonga urmoq, har yoqqa talpinmoq; harakat qilmoq, intilmoq.

Qafasda qush urinayotir.

Bozor-da yurgan xalq — fuqaro ham kir-yupun, isqirt, gʻazabli, shoshadi, turtinadi, urinadi. — Oybek, Tanlangan asarlar

2. Biror ishni bajarishga kirishmoq; unnamoq, tutinmoq; biror ish bilan band, ovora boʻlmoq.

[Nazokat] Oshga urindi. — H. Gʻulom, Mashʼal

Chol oynagini olib, koʻz yoshini artdi va yana ishga urindi. — Oybek, Tanlangan asarlar

Sayfini ilgariroq ishga joʻnatdim-da, oʻzim nimagadir urinib, kechroq qolib bordim. — A. Qodiriy, Oʻtgan kunlar

3. Biror ishni bajarish, biror narsaga erishish va shu kabilar uchun harakat qilmoq, harakatida boʻlmoq.

Qiz uni [tovuqni] ushlab olgani koʻp urindi, juda qiynalib ketdi. — A. Qahhor, Qoʻshchinor chiroqlari

Aʼzam kun boʻyi Muhiddinni xoliroq uchratishga urinib koʻrdi, boʻlmadi. — R. Fayziy, Choʻlga bahor keldi

Iloji boricha uning sheʼrlarini yerga urishga, Feruzning koʻzi oldida obroʻsizlantirishga urindilar. — S. Siyoyev, Avaz

4. Holdan toymoq; charchamoq; qiynalmoq.

[Oʻgʻil:] Jon ona, oʻzim yoʻlda juda urinib keldim. — A. Qodiriy, Oʻtgan kunlar

Bir oz kutmabsiz-da, qori aka, issiqda ancha urinib qolibsiz. — I. Rahim, Chin muhabbat

Kumushbibi ogʻriqlardan shikoyat qilib yurar, shuning uchun onasi tinch uxlasin, ortiq urinmasin! deb bugun namozga ham uygʻottirmagan edi. — A. Qodiriy, Oʻtgan kunlar

5. koʻchma Asli holatini, sifatini yoʻqotmoq: eskirmoq.

Uringan roʻmol.

Uyga urinib, ezilib qaytib kelgan nonni yeydigan odam yoʻq. — S. Ahmad, Non-nasibamiz haqida

Maktub anchagina uringan, qogʻoz shalaqlangan edi. — A. Qodiriy, Oʻtgan kunlar

[Chopon] Juda yangi boʻlmasa ham, har holda urinmagan — T. Malik, Ajab dunyo

Soʻz urinmoq Soʻz aylanmoq, soʻz teginmoq. Soʻz urindi, soʻzdan soʻz chiqdi, nihoyat, hojining kutganidek, oʻgʻil hasrati ham boshlandi. — A. Qodiriy, Oʻtgan kunlar

Oʻzbekcha-turkcha izohli lugʻat

URINMOQ

1. Oʻzini har tomonga urmoq.ÇABALAMAK, KALKIŞMAK DENEMEK

2. Biror ish uchun harakat qilmoq.

3. Asl holat, sifatini yoʻqotmoq.

Ruscha-oʻzbekcha va oʻzbekcha-ruscha lugʻat

urinmoq

1. пытаться, делать попытки, силиться, возиться

uringan ish oʻrinsiz ketmas попытался сделать — не зря затратил время; попытка не пытка

2. сильно устать, обессилеть, сдать, ослабнуть

Inglizcha-oʻzbekcha, oʻzbekcha-inglizcha lugʻat

urinmoq