umr

умр

7 ta lugʻatda uchraydi JSON Shevalarda Barcha qidiruv natijalari

Izohli lugʻat

umr

ot 1. Tugʻilgandan to oʻlgungacha boʻlgan davr, yashash muddati, shu muddat davomidagi hayot, yashash.

Uzoq umr koʻrmoq. Umrining oxiri. Semiz qoʻyning umri kalta. — Maqol

Hazratim, men mungli qizingiz sizga xudodan Shayx Saʼdiyning umrini tilabman! Ilohim, yuzga kiring! — P. Qodirov, Yulduzli tunlar

saxovatli Meʼmor hazratlarining umrlari uzoq boʻlib, doimo sihat-salomat boʻlsinlar, deb duo qilardi. — Mirmuhsin, Meʼmor

Shunday koʻrkam, dono, tadbirli xotinning umri ersiz oʻtib ketayotganiga baʼzilar achinsa, baʼzilar taajjubda edi. — H. Shams, Dushman

2. Umuman, hayot, yashash.

Insonga umr bir marta beriladi. Ichkilik — umrning egovi. Sogʻlik — umrning garovi. Birovga oʻlim tilaguncha, oʻzingga umr tila. — Maqol

Bir umr Umr davomida, umr boʻyi. Boylik botqoqqa oʻxshagan narsa. Domiga bir tortsa, bir umrga gʻarq boʻlib ketishing turgan gap. — F. Musajonov, HimmatZargarov ham bir umr kutgan — A. Muxtor, Boʻronlarda bordek halovat
Umr bersa Yashatsa. Xudo umr bersa, yoʻling hali olis. — S. Siyoyev, Yorugʻlik
Umr boʻyi Sunnatullo maxsum umr boʻyi savdo sohasida ishlasa ham ibratli hikoya va sheʼrlarni biladigan kishi edi. — Shukrullo, Javohirlar sandigʻi
Umr yoʻldoshi Ushbuni koʻrsatuvchi Marasul Huzurjonovni tegishli umr yoʻldoshi oʻrtoq Nasibaxon Asqarova bilan tegishli daftaringizdan oʻtkazib — A. Qahhor, Ogʻriq tishlar
Umr kechirmoq 1. Umr oʻtkazmoq, yashamoq. agar (odam) odam bolasiga oʻxshab umr kechiraman desa, unga shuncha koʻp narsa kerak boʻlar ekan!, — deb kular edi. — A. Qahhor, Qoʻshchinor chiroqlariBir xotin bilan muhabbatli umr kechirmoq, menimcha, eng maʼqul ish. — A. Qodiriy, Oʻtgan kunlar
Umr koʻrmoq Hayot kechirmoq, yashamoq. Uzoq umr koʻrib, baxt-saodatli yashayotgan keksalarimiz farovon hayotimizga fayz-tarovat bagʻishlab turishibdi. — Gazetadan
Umr surmoq Umr oʻtkazmoq, yashamoq (odatda, yaxshi, baxtli umrga nisbatan qoʻllanadi). Dunyoda yaxshi umr surding, or-nomusli, adolatli yashading — T. Obidov, Yusufjon qiziq
Umr qilmoq Er-xotin boʻlib yashamoq. — Tenging emas, qizim! Sening ilming katta, uniki kichik. Umr qilib ketolmaysizlar, — dedi onasi Husniyaga. — M. Ismoiliy, Odamiylik qissasi
Umri bino boʻlib Yodgor umri bino boʻlib bahorning kirib kelishini shu qadar diqqat bilan kuzatmagan ekan. Oʻ. — Hoshimov, Qalbingga quloq sol
Umri boqiy Doimiy hayot, yoʻq boʻlmaydigan. Insoniyat qalbini munavvar etadigan ezgulikning — sheʼriyatning umri boqiy ekan, demak, shoir umri ham boqiy. — GazetadanU baʼzan Shohruxni duo qilar, yurtda tinchlik boʻlsa, umri boqiy binolar qurib yurishini oʻylardi. — Mirmuhsin, Meʼmor
Umri qisqa Koʻp yashamaydi, uzoqqa bormaydi, tez barham topadi. Tuhmatning umri qisqa.

Oʻzbekcha-turkcha izohli lugʻat

UMR

Tugʻilgandan to oʻlguncha boʻlgan davr.ÖMÜR

Ruscha-oʻzbekcha va oʻzbekcha-ruscha lugʻat

umr

жизнь

umr misoli bir piyola suv (toʻkildi – tamom) погов. (букв. жизнь наподобие пиалы с водой, опрокинется — и конец) жизнь коротка; сегодня живешь, а завтра можешь и не быть
umr surmoq (oʻtkazmoq, kechirmoq) проводить жизнь, жить
umr qilmoq жить совместно (о муже и жене)
umri foydaga qoldi он каким-то чудом (к счастью) жив остался
umrini bersin благосл. пусть он живёт долго-долго
umringdan baraka top благожел. пусть будет тебе счастье в жизни.