ultimatum

ot 1. uq. H Biron masala yuzasidan bir davlat hukumatining boshqa davlat hukumatiga yozma yoki ogʻzaki bayon qilingan, hech qanday bahs yoki eʼtirozga oʻrin qoldirmaydigan qatʼiy talabi.

Hozirgi sharoitda doʻqlar qilish va ultimatumlar qoʻyish metodi butunlay yaroqsiz vositadir. — Gazetadan

2. s. t. Koʻchma Qatʼiy ogohlantirish, talab.

Uning hikoyasini raqibining “Garde! [kisht] degan ultimatumi kesib qoʻydi. U farzinini oʻrnidan koʻchirmasa, yutqazib qoʻyadi. — I. Rahim, Chin muhabbat

Qayumjon ajralish haqida [Qoriyaxonga] ultimatum yuborgan edi. — Mushtum