ulkan

sft. 1. Egallagan oʻrni, hajmi gʻoyat yirik, juda katta, buyuk.

Ulkan bino. Ulkan daraxt. Ulkan daryo. Ulkan qurilishlar.

— Ming yil chaqmoq chaqsin, ulkan togʻ gerdayib turaveradi, — dedi Bektemir qatʼiy. — Oybek, Quyosh qoraymas

Ana shu zaylda oylar, yillar, qandaydir bir ulkan dengizga qoʻshilishni istagan irmoqlarday, shildirab oqib oʻta boshlaydi. — M. Jabborov, Sevinch yoshlari

2. Koʻlami, qamrovi, qudrati jihatdan juda katta; buyuk.

Juda ulkan ish. Faqat sizlardaqangi mardi maydonlar eplay oladigan ish! — R. Fayziy, Choʻlga bahor keldi

Bunyodkor xalqimiz vodiy va vohalarda sunʼiy dengizlar, ulkan sanoat korxonalari barpo etmoq-da. — Oʻzbekiston qoʻriqlari

Navoiy musammatlari uning ulkan lirik merosining uzviy bir qismidir. — OʻTA

3. koʻchma Mazmun-mundarijasi, ahamiyati jihatidan katta, yirik.

Ulkan asar.

Ziynatullayevning qoʻlida zoʻr haqiqat boʻlib koʻrinayotgan narsa — aslida ulkan haqiqatdan uzib olingan bir haqiqatcha ekanini u endi aniq koʻrib turardi. — P. Qodirov, Uch ildiz

Bugungi Navroʻz bayrami barcha-barchaga yangi baxt, ulkan zafarlar keltiradi. — Gazetadan

4. Nom, eʼtibor qozongan; buyuk, ulugʻ.

Ulkan yozuvchi. Ulkan oqin.

Qarindoshim, tugʻishqonim, ulkan qozoqsan oʻzing. — Gʻ. Gʻulom

U adabiyot va sanʼat olamining zukko bilimdoni otashin notiq va ulkan sanʼat-kor edi. — Gazetadan

Pahlavon Mahmud javonmardlik oqimining ulkan namoyandalaridan biri boʻlgan. — OʻTA

1. Egallagan oʻrni, hajmi gʻoyat yirik, juda katta.BÜYÜK, İRİ

2. Katta koʻlamda amalga oshirilayotgan.

уст. большой, громадный

• ulkan daraxt громадное дерево

oyogʻi yoʻq, qoʻli yoʻq, shoshib chopib chiqar u, ulkan zamin bagʻridan salom olib chiqar u не имея рук и ног, он торопится, бежит; привет большой земли он принести спешит (Родник)

a high, tall, big, enormous, huge

• ulkan imkoniyatlar vast possibilities

úlken, náhán, iri, biyik, ulli

riesig, groß, mächtig

ruschaбольшой, громадный, великийinglizchabig, large, huge, greatfransuzchagrand, gigantesque, colossal, immensearabchaعَظِيمٌ, ضَخْمٌ