УДЕЛЬНЫЙ ВЕС ЖИДКОСТИ

1sm³, 1m³ hajmdagi suyuqlik ogʻirligi. U γ (gamma) harfi bilan belgilanadi va quyidagicha aniqlanadi: γ = G/V, bunda: G — V hajmdagi suyuqlik ogʻirligi. S.s.o. oʻlchovi [γ] = |P|/[L³]. Solishtirma ogʻirlikning oʻlchov birligi SI sistemasida γ_i = H/m³; fizik sistemada, γ_f = dlina/sm³; texnik sistemada γ_t = kgs/m³. Solishtirma ogʻirlik turli sistemalardagi oʻlchov birliklarining oʻzaro nisbati: γ_m = 0,1γ_f = 0,102γ_t. Demak, turli oʻlchov sistemalaridagi solishtirma ogʻirlik qiymatlarini oʻzaro taqqoslash uchun quyidagi nisbat olinadi: γ_m = 10·γ_f = 9,81·γ_t. S.s.o. va zichligi oʻzaro bogʻliq. Zichlik tenglamasini (ρ = m/V) ikkala tomonini ogʻirlik kuchi tezlanishi (g) ga koʻpaytirsak, quyidagi tenglama kelib chiqadi: ρg = mg/V = G/V. Tenglamada G/V solishtirma ogʻirlik ekanligini bilgan holda γ=ρg deb yoziladi. Solishtirma ogʻirlik oʻzgaruvchan miqdor boʻlib, ogʻirlik kuchi tezlanishiga bogʻliq. Ogʻirlik kuchi tezlanishi qiymati esa oʻlchov nuqtasining geografik koordinatasiga bogʻliq holda oʻzgaradi. Amaliy hisoblash ishlarida tezlanish miqdori oʻzgarmas deb olinadi g=981sm/s². Shu sababli ushbu tezlanishga mos keluvchi solishtirma ogʻirlikning oʻrtacha qiymatidan foydalaniladi. Zichlik va solishtirma ogʻirlikning turli oʻlchov sistemalaridagi oʻzaro nisbatiga eʼtibor bersak, texnik sistemadagi solishtirma ogʻirlikning oʻrtacha qiymatini (g=981sm/s² boʻlganda) xalqaro SI sistemasidagi zichlik qiymatiga mos kelishini koʻramiz., Suyuqlikning solishtirma ogʻirligi