УДЕЛЬНАЯ ПОВЕРХНОСТЬ ПОРОГОВОГО ПРОСТРАНСТВА

коллекторнинг суюқлик тутиб қолиш қобилияти. Жуда майда заррали жинслардан тузилган коллекторнинг фаол юзаси катта бўлса, унинг флюид бериш қобилияти (нефт бера олиш коеффициенти) пасаяди. Агар юза майдони кичик бўлса (мас., конгломератларда) коллекторнинг тўпланган нефт (газ)ни тутиб қолиш қобилияти камаяди, айниқса, қатлам сувининг гидродинамик таъсирига чидамлиги пасаяди. Қумтошли коллекторларнинг солиштирма юзаси (см²/см³ да) қуйидаги формула орқали баҳоланади: $С_й = \фрак{6\гамма}{й\Делта} \кдот \сум \фрак{м_и}{д}$, бунда: $\гамма$ — жинснинг ҳажм массаси, г/см³; $\Делта$ — жинс зарралари зичлиги, г/см³; $м_и$ — жинс фраксиясининг массаси, г; $д$ — заррачалар диаметри, см да. Диаметри 0,25 мм, бир хил заррачалардан таркиб топган, зич жойлашган (ғоваклилиги 25,9%) коллекторларнинг солиштирма юзаси 177,6 см²/см³ га тенг бўлади. Солиштирма юза қуйидаги икки — Козени ва адсорбсия усуллари билан аниқланади. 1. Козени усули бўйича суюқликнинг оқиш тезлигини ўрганиш ўтказувчанликнинг солиштирма юза билан боғлиқлигига асосланган: $С_й = К\сқрт{\фрак{м^3}{Р}}$, бунда м — ғоваклилик; Р — ўтказувчанлик; С — 4500 (алевролитлар учун) дан 7700 (ўрта заррали қумтошлар учун) гача ўзгарувчан коеффициент (А.А.Ханин, 1962). 2. Паст температурали адсорбсия усули газнинг суюлиш температурасига яқин паст босим ва температурада жинснинг инерт газни (азот, аргон) адсорбсиясига асосланган. Бу усул бўйича аниқланган қумтош — алевролитли жинсларнинг солиштирма юзаси 0,04 дан 10 м²/г гача ўзгаради., Ғовакли муҳитнинг солиштирма юзаси