УДЕЛЬНАЯ ПОВЕРХНОСТЬ ПОРОГОВОГО ПРОСТРАНСТВА

kollektorning suyuqlik tutib qolish qobiliyati. Juda mayda zarrali jinslardan tuzilgan kollektorning faol yuzasi katta boʻlsa, uning flyuid berish qobiliyati (neft bera olish koeffitsiyenti) pasayadi. Agar yuza maydoni kichik boʻlsa (mas., konglomeratlarda) kollektorning toʻplangan neft (gaz)ni tutib qolish qobiliyati kamayadi, ayniqsa, qatlam suvining gidrodinamik taʼsiriga chidamligi pasayadi. Qumtoshli kollektorlarning solishtirma yuzasi (sm²/sm³ da) quyidagi formula orqali baholanadi: $S_y = \frac{6\gamma}{y\Delta} \cdot \sum \frac{m_i}{d}$, bunda: $\gamma$ — jinsning hajm massasi, g/sm³; $\Delta$ — jins zarralari zichligi, g/sm³; $m_i$ — jins fraksiyasining massasi, g; $d$ — zarrachalar diametri, sm da. Diametri 0,25 mm, bir xil zarrachalardan tarkib topgan, zich joylashgan (gʻovakliligi 25,9%) kollektorlarning solishtirma yuzasi 177,6 sm²/sm³ ga teng boʻladi. Solishtirma yuza quyidagi ikki — Kozeni va adsorbsiya usullari bilan aniqlanadi. 1. Kozeni usuli boʻyicha suyuqlikning oqish tezligini oʻrganish oʻtkazuvchanlikning solishtirma yuza bilan bogʻliqligiga asoslangan: $S_y = C\sqrt{\frac{m^3}{R}}$, bunda m — gʻovaklilik; R — oʻtkazuvchanlik; S — 4500 (alevrolitlar uchun) dan 7700 (oʻrta zarrali qumtoshlar uchun) gacha oʻzgaruvchan koeffitsiyent (A.A.Xanin, 1962). 2. Past temperaturali adsorbsiya usuli gazning suyulish temperaturasiga yaqin past bosim va temperaturada jinsning inert gazni (azot, argon) adsorbsiyasiga asoslangan. Bu usul boʻyicha aniqlangan qumtosh — alevrolitli jinslarning solishtirma yuzasi 0,04 dan 10 m²/g gacha oʻzgaradi., Gʻovakli muhitning solishtirma yuzasi