uchramoq

fl. 1. Qarshisidan chiqmoq, duch kelmoq.

Yoʻlda ikki otliq uchradi. Bu joy-da birorta tanish uchramadi.

Sel oqimi yoʻlida uchragan hamma narsani ostin-ustun qilib, shaharga bostirib kelardi. — Gazetadan

2. Huzurida, suhbatida boʻlmoq; uchrashmoq.

Otasiga uchrab, oʻzimni tanitdim, qimtinib, tortinib, arzimni aytdim. — Mushtum

Ana shundan keyin Gʻulomjon shaharga tushib, toʻgʻri hokimga uchradi. U ham mingboshiday yumshoq muomala qildi. — M. Ismoiliy, Fargʻona tong otguncha

3. Qismatiga tushmoq, nasib boʻlmoq, yoʻliqmoq.

Qoʻyaver, xotin, shu qizga ham menga oʻxshagan koʻsa kuyov uchrasin. — S. Ahmad, Hukm

Hech qayerda bunday ulgurji gʻanimat uchramadi. — A. Qahhor, Bashorat

4. Mavjud boʻlmoq, boʻlmoq.

Bu kasallik koʻpincha yoz oylarida tarqaladi va 2—8 oylik qoʻzi, uloqlarda koʻproq uchraydi. — Fan va turmush

Mening boshqalarda uchramaydigan yana bitta fazilatim bor. — X. Toʻxtaboyev, Shirin qovunlar mamlakati

5. Duchor boʻlmoq, yoʻliqmoq.

Tavba deng, bolam, boʻydoqsiz, yana shunday tannozlardan biriga uchrab — Guldasta

Umrim pakkasiga yetay deganda, xudoning qahriga uchradim, qizim. — K. Yashin, Hamza

Mariyaning baxtiga qarshi, amaki sil kasalligiga uchrab, ishdan qoldi. — Oybek, Tanlangan asarlar

Qarshisidan chiqmoq, duch kelmoq, koʻrinmoq.RASTLAMAK, KARŞILAMAK, UĞRAMAK

1. попадаться навстречу, наталкиваться

2. встречаться

3. терпеть

v meet, encounter

• falokatga uchramoq get into trouble

1. ushıraw, jolıǵıw, dus keliw, gezlesiw

2. sáwbetlesiw, ushırasıw, kórisiw