tuzamoq

fl. 1. Patnis, dasturxon, stol va shu kabilarni noz-neʼmatlar bilan bezamoq, yasatmoq.

Begimxon dugonasini koʻrpachaga oʻtqizdi-da, patnis tuzab keldi. — I. Rahim, Chin muhabbat

Kamoliddin maxdum dasturxon tuzashni Asad qoriga buyurdi. — M. Ismoiliy, Fargʻona tong otguncha

Qari kelsa — oshga, yosh kelsa — ishga. Ikkalamiz stol tuzar ekanmiz. — N. Safarov, Hayot maktabi

2. Saranjom-sarishta qilmoq, shinam qilib jihozlamoq, yasatmoq.

Oʻgʻlim aʼlo oʻqir deb, Sevib ota-onasi, Ataylab oʻziga xos Tuzab bergan bir uycha. — Q. Muhammadiy

[Sheralixon otlarni\ Qushday qilib tuzab, zar qubbali zumrad egarni soldi. — Erali va Sherali

3. shv. Ado etmoq, bajarmoq, oʻtamoq.

Bir shartga buyurdi ul qoshi qaro, Tuzamoqqa men Yovmitga boraman. — Nigor va Zamon

Kundan-kun bachalar ishni tuzab, juda yaxshi mehmonxonalar soldi. — Yusuf va Ahmad

1. bezew, jayıw (dasturxan jayıw)

2. dúzew, sıpırıp tazalaw, úskenelew