tutashmoq

fl. 1. 1 Alangalanmoq, alanga olmoq.

2. koʻchma Yonmoq, kuymoq.

Siz oʻzingizni tuproq bilan tenglashtirmoqchi boʻlgansiz, lekin men hozir Kumushga ham qanoatlanmay, Oltinbibi deb atamoq fikriga tushdim Borligʻim muhabbatingiz alangasi bilan tutashgani holda, zavjangiz Otabek. — A. Qodiriy, Oʻtgan kunlar

Hech kim meningdek kuymagan hajring oʻtiga, ey sanam, Tanho tutashdim men oʻzim, soʻzona boʻldim sogʻinib. — Hamza

3. folk. Tutaqmoq, qizishmoq.

Juda ham tutashib ketdi Hakimxon. — Alpomish

Arzirumdan ekan asli elati, Tutashgan bola-dir — koʻpdir gʻayrati. — Nigor va Zamon

fl. 1. Tutash holatda boʻlmoq.

Bir-biriga tutashib ketgan kichkina, tiniq koʻlchalar koʻrindi. — S. Siyoyev, Avaz

Bundan [daryodan] chiqadigan suv bilan maktab uchastkasinigina emas, unga tutashgan tomorqa yerlarni ham sugʻorish mumkin. — H. Nazir, Choʻl havosi

Shamol togʻaning uyi bir tomondan qirga tutash edi. — S. Siyoyev, Yorugʻlik

Adolatning yuzi birdan jiddiylashdi. Qora qoshlari tutashib, koʻzlarida gʻazab chaqnadi. — S. Zunnunova, Gulxan

2. koʻchma Bir-biriga bogʻlangan, payvand.

Tojiboy oʻzi kambagʻallardan boʻlsa ham, to-miri Olaxoʻja maxsum bilan tutashgan edi. — P. Tursun, Oʻqituvchi

Xayoliga xayoli tutash, qalbiga qalbi yaqin odamlarni koʻrgan sayin Muborak undan battar uzoqlashar, battar orqaga qarab ketar edi. — S. Zunnunova, Koʻk chiroqlar