тус
tusтус
от 1. Нарсаларга хос бўлган ранг, ранг кўриниши.
Туси ўзгармоқ. Туси оқармоқ, Тусини ёʻқотмоқ.
Шунинг учун ёз кунлари махдумнинг боғчаси оқ, нимранг, ола-зангор, малла-ложувард ва бошқа тус капалакларнинг ялт-юлт учишлари билан алоҳида бир кўринишга киради. — А. Қодирий, Меҳробдан чаён
Марзалардаги майса-гиёҳлар бир хил рангда — олтин тусида товланади. — Н. Аминов, Суварак
Мардон Ёʻлчиевич новча, юзи чўзинчоқ, туси ҳам Темиржоннинг чеҳрасидай тиниқ экан. — Ж. Абдуллахонов, Орият
Одатда денгиз суви кўкимтир рангли, бўлади. Примореда эса денгизнинг суви темир зангининг тусини эслатади. — Газетадан
2. Ташқи кўриниш; қиёфа.
Замонлар ўзгаради, жойнинг ҳам туси ўзгаради. — Й. Шамшаров, Тошқин
Болаларнинг қий-чуви, хотинларнинг бақириб-чақиришлари бу жимжит тўқайзорга маҳалла тусини бериб қўйди. — С. Аҳмад, Уфқ
Қизи шомда қайтганда, ҳовлида гард ҳам ёʻқ, салқин, сув сепилган, ҳовлининг туси ўзгариб, чанг босиб ётган акаслар ҳам чеҳраси очилгандай эди. — С. Нуров, Нарвон
Ҳомид мағрур тус билан Ота-бекка қаради. А. — Қодирий, Ўтган кунлар
Қувонч, қўшиқ ҳар ёнда, Оқ каптарлар осмонда Парвоз қилади кўркам, Байрам тусида ўлкам. — Р. Бобожон
- Тус бермоқ Қандайдир тус пайдо қилмоқ, қандайдир тусга олмоқ, тусда ифодаламоқ, тус киритмоқ. Юзига тушуниб бўлмайдиган аллақандай тус бериб, бир хўрсиниб қўйди-да, унга деди — К. Яшин, ҲамзаНаҳотки ўз жангчиларимизни унуцак, — дея гапга тус берди Муҳаррам. — Шуҳрат, Шинелли йилларҲар анорларки донаси чойнакдай, узумини кўтаролмай букилиб қолган ишкомлар, ёмби олтиндек сап-сариқ беҳилар бу боғга чинакам жаннат тусини берар эди. — С. Аҳмад, Ҳукм
- Тус олмоқ Қандайдир тус-қиёфа касб этмоқ; тусга кирмоқ. Унинг ранги оқариб, важоҳати қўрқинчли тус олди. — М. Ҳазратқулов, ЖуръатПайкаллар этагини ювиб оқаётган Қашқа суви қизғиш-сариқ тус олиб тол, жийдалар остигача тошган. — С. Нуров, НарвонАста-секин муносабатларимиз бошқача тус ола бошлади. — Э. Аъзамов, Жавоб
- Тусга кирмоқ Қандайдир тус, қиёфа касб этмоқ, тус-қиёфага айланмоқ. Ариқ ва анҳорлардаги сувлар шаффофлигини ёʻқотиб, малларанг тусга кирди. — С. Зуннунова, Янги директорМурзин унинг назарида лаҳза сари юксалиб, ажойиб қаҳрамон тусига кириб бормоқда эди. — Шуҳрат, Шинелли йилларНафис кийимлар билан ёш келин тусига кирган Холжон деразадан ўтган-кетганларни томоша қилиб ўтирди. — Ғайратий, Довдираш