ТРАНСФОРМНЫЕ ОКРАИНЫ

sof koʻrinishda uchramaydigan va kam tarqalgan, kontinental chekka turi. Transform divergent chekka va transform konvergent chekka turlariga boʻlinadi. Transform divergent chekkalar hozirgi vaqtda Afrikaning Atlantika chekkasiga, Gvineya koʻrfazining shimoliy qirgʻoqlariga toʻgʻri keladi. Bu joyda Afrika qitʼasi Atlantikaning ekvator yoriqlar zonasi bilan qirqilgan. Bu yerda T.ch.ning oʻziga xos xususiyatlari toʻliq namoyonladi, yaʼni: tor shelf, tor va juda qiya kontinental yonbagʻir mavjud, uning asosi kontinental va okean oraligʻidagi poʻstning keskin tektonik chegarasi bilan mos tushadi, ular oraligʻida oʻtish poʻstining boʻlmasligi, kontinental etaklarning kuchsiz rivojlanishi kuzatiladi. Kontinent-okean chegarasidagi yoriqlar boʻylab vertikal tashlama-uzilma va gorizontal siljimalar rivojlangan. Shuningdek, ulardan biroz qisqaroq chekkalar Shimoliy Amerikadagi Nyufaundlend doʻngligining janubiy qismida, Janubiy Afrikaning janubi-sharqiy qismida va Folklend yassi togʻliklarining janubiy qismida uchraydi. Oxirgi ikki chekkalar juda yirik Folklend-Agulyas yorigʻining mavjudligi bilan bogʻliq. Hind okeanida Madagaskar orolining sharqiy chegaralari, Arabiston yarimorolining janubi-sharqiy chegaralari, Avstraliyaning shimoli-garbiy va janubiy qismlarining ayrim uchastkalari ham transform xususiyatga ega. Transform konvergent chekkalar Shimoliy Amerikaning Tinch okean chekkalarining ikki qismida — shimolda Kanadaning qarshisida va Alyaskaning janubi-sharqida namoyonlanadi, bu yerda chekkalarning bunday xususiyati Koroleva Sharlotta arxipelagi (bir biriga yaqin orollar guruhi) boʻylab va Kaliforniya qarshi-, Transform chekkalar