toza

sft. 1. Kir, chang, ifloslik va shu kabilardan xoli (xoli qilingan), ozoda, pokiza.

Toza idish. Toza kiyim. Toza uy. Toza kiyinmoq.

Aʼzoyi badanimni Xoʻp yaxshilab yuvaman.

Tirnogʻimni, tishimni Doim toza tutaman. — Uygʻun

Qoʻllarini toza sochiqlarga artishdi. — K. Yashin, Hamza

2. Chang-gʻubordan xoli; begʻubor, sof, musaffo.

Toza osmonda yulduzlar charaqlaydi. — S. Nurov, Narvon

Toza havodan toʻyib nafas oldi. — S. Siyoyev, Avaz

Har taraf sof, toza maysa-koʻkat — Gʻayratiy

3. Aralashmalardan xoli; sof, asil.

Toza oltin.

Mana bu durmi? Juda toza ekan, Nuri opamda ham bor-a? — Oybek, Tanlangan asarlar

Gulnor kelgach, u Yoʻlchi bilan qizga shivirladi: — Mana bu juda toza choy. — Oybek, Tanlangan asarlar

4. Xirildoq va shu kabilar kamchiliklardan xoli, jaranglab chiqadigan tovush, ovoz haqida.

Oshna ashulalarning dilrabo kuyi, hofizning toza va shirali ovozi Elmurodning yuragiga bahor nashʼalaridek quyildi. — Shuhrat, Shinelli yillar

5. koʻchma Dogʻ tushmagan, bulgʻanmagan; sof, pok.

Toza vijdon. Toza nom. Toza qalbda dogʻ boʻlmas. — Maqol

Murzin yanada qizishib, boʻrtib, davom etdi: — Men uni yaxshi bilaman. U yaxshi qiz, koʻngli toza. — Shuhrat, Shinelli yillar

6. rvsh. Juda ham, rosa.

Toza charchadik. Sizni toza kutdik.

Yigit-qizlar xolaning gaplariga toza kulishdi. — N. Safarov, Oliyaxon Sultonova

Bechora! Qalligʻini koʻraman, deb toza baloga qolgan ekan! — P. Tursun, Oʻqituvchi

7. shv. Yangi.

Toza maktab ochsang, kofir deydi, gazeta oʻqisang, dahriy deydi. — J. Sharipov, Xorazm

Toʻrani olajak toza xotinidan sovitib berasiz. — J. Sharipov, Xorazm

Matpano: — Tagʻin kelaman, ogʻa, toza gap boʻlsa, yetkazaman, oʻksimay yuring, — deb peshinlatib joʻnadi. — S. Siyoyev, Yorugʻlik

Kir, chang va sh.k.dan xoli, ozoda.TEMİZ

чистый, свежий, опрятный, натуральный

hovli toza двор чис-

v clean, fresh, tidy, pure

1. taza, azada

2. sap, girbińsiz, kirsiz

3. awıs. daq túspegen, pák

4. júdá, oǵada, asa

5. jańa

rein, sauber, klar

ruschaчистыйinglizchaclean, tidy, purefransuzchapropre, purarabchaصَافٍ, نَظِيفٌ