тўймоқ

фл. 1. Ейиш, ичишга бўлган талаби қонмоқ, қониб емоқ, ичмоқ, овқатга, сувга қонмоқ.

Еб тўймаган, ялаб тўймас — Мақол

Қўл билан берганга қуш тўймас. — Мақол

Суқ тўймас, ўғри бойимас. — Мақол

Анвар Нигор ойимга раҳмат айтиб, тўйганини сўзлади ва қўл артар экан, чақалоққа гап қотди. — А. Қодирий, Меҳробдан чаён

Камбағал халқ ўлиб-тирилиб меҳнат қилади-ку, қорни тўймайди, эгни бутун бўлмайди. — Ойбек, Танланган асарлар

2. Сув, озуқага тўйинмоқ (ер ва ўсимликлар ҳақида).

Ғўзалар сувга тўйди. Ер тўймагунча, эл тўймас. — Мақол

Қор сувига тўйган ер хамирдек юмшоқ эди. — С. Аҳмад, Уфқ

Халқнинг ер тўйса, эл тўяди, деган нақлида ҳикмат кўп. — Газетадан

3. кўчма Роҳатланиб мириқмоқ.

Уйқуга тўймоқ. Дийдорига тўймоқ. Тўйиб суҳбатлашмоқ. Йиқилган курашга тўймас. — Мақол

У [Элмурод] ҳар гал бу ёʻлдан юрганда, узоқ-узоқларга тикилиб, сира тўймасди. — П. Турсун, Ўқитувчи

Тўпа хола ўзини мунча тетик тутгиси, ҳориган кўзларини очгиси, табиатга тўйиб боққиси келади, аммо дармони ёʻқ. — И. Раҳим, Ихлос

Кенг ҳовлининг ҳуснига хол бўлиб турган атиргуллар яқин кунларда очилиб, тўйиб бўлмайдиган жамолини намоён қилади. — Ш. Рашидов, Бўрондан кучли

Тўйиб-тўйиб шўхлик, бебошлик, жиннилик қилсанг, водийни бошингга кўтариб қаҳқаҳа урсанг. — Ф. Мусажонов, Ҳиммат

4. кўчма Чидаб, тоқат қилиб чарчамоқ, тоқати тоқ, безорижон бўлмоқ.

Ақл, инсоф билан иш қила-қила, энди жуда тўйдик. — А. Қодирий, Ўтган кунлар

Мен ҳам тўйдим бу хўрлик, бу ҳақоратдан! — М. Исмоилий, Фарғона тонг отгунча

Қишлоқ халқи Сарижўжа сувининг тошқинидан жуда тўйган экан. — Ўзбекистон қўриқлари

в 1. (тўйиб емоқ)eat one's fill, be quite all, eat to satisfy

2. be bored, be tired (of), be sated

Еб-ичиб, озиқланиб ўзини овқатга қондирмоқ.DOYMAK

наедаться, насыщаться

ғув-ғув этар, қорни тўйса юмалаб кетар жужжит-жужжит, насытившись, покатится (Веретено)

берсанг, тўяди, бермасанг, туради, ҳамма хизматни кўради дашь — насытится, не дашь — постоит, услугу всем окажет (Сундук)

ер тўймагунча эл тўймас пока почва не насытится, народ сыт не будет

суқ тўймас, ўғри бойимас обжора не насытится, а вор не разбогатеет

1. toyıw, jep-ishiw

2. авıс. qanıw

3. авıс. sharshaw, shıdamı tawsılıw

sich satt essen, sich sättigen, satt werden