топшириқ

от Кимсанинг зиммасига юклатилган иш, вазифа.

Ҳукумат топшириғи. Топшириқ бермоқ. Топшириқ олмоқ.

Энди депутат бўлиб, сизларнинг топшириқларингизни ҳам жонимни аямай бажараман. — Ойдин, Садағанг бўлай, командир

Терговчи ҳам хит бўлди. Ахир, у бу ерга ўйнагани келмаган-ку. Махсус топшириқ билан, оқни оққа, қорани қорага ажратиш учун келган. — С. Анорбоев, Оқсой

Бу менинг эмас, деканнинг топшириғи. Шикоятингиз бўлса, ўзига айтинг. — Ў. Ҳошимов, Қалбингга қулоқ сол