toʻp
тўпtoʻp I
ot 1. ayn. Koptok 1.
Futbol toʻpi. Toʻp oʻynamoq. Raqib darvozasiga toʻp kiritmoq.
Bola oʻtirib olib, jon-jahdi bilan toʻpni puflashga tushdi. — H. Nazir, Choʻl havosi
Qorongʻi tushguncha qoʻshni bolalar bilan toʻp tepishdik. — H. Nazir, Yonar daryo
2. Qoʻl toʻpi Ikki jamoa aʼzolarining toʻpni qoʻlda muayyan qoidalar asosida bir-birlariga oshirib, raqib darvozasiga kiri-tishga qaratilgan sport oʻyini.
sportning qoʻl toʻpi, futbol, tennis, shaxmat-shashka, voleybol kabi turli seksiyalari ishlab turipti. — Mushtum
toʻp II
ot 1. ayn. Toʻda.
Toʻpdan ayrilganni boʻri yer. — Maqol
Uch davangir yigit orasida kelayotgan Maʼsuma beka darhol oʻzini shohi mato sotayotganlar toʻpiga urdi. — Mirmuhsin, Meʼmor
Ayol kartotekadan bir toʻp xatni olib, koʻz yugurtira boshladi. — Guldasta
[Ayol] Paxtasini keltirib, xir-mondagi eng katta toʻpga toʻka boshladi. — M. Ismoiliy, Fargʻona tong otguncha
2. Fabrikada oʻralgan, hali buzilmagan oʻlchovli gazmol; gazmol oʻrami.
Bir toʻp chit.
toʻp III
ot 1. Uzun stvolli, quruqlik va suvdagi yoki havodagi nishonlarga zarba beradigan artilleriya quroli; zambarak.
Tankka qarshi oʻq otadigan toʻp. Toʻp oʻqi. Toʻpga tutmoq.
Kimdir artilleristlardan biri 76 millimetrli toʻpni sudrab kelib, Normat okopining yoniga oʻrnatdi. — I. Rahim, Chin muhabbat
Tong yorir-yorimas Oqtepa tomonidan toʻp ota boshladilar, — A. Qodiriy, Oʻtgan kunlar
Qayerdadir toʻplar shoshilmasdan, vazmin gumburlaydi, ora-sira pulemyotlar asabiy takillab qoʻyadi. — Oybek, Quyosh qoraymas
Uzing bilasanki, qism hujum boshlashidan ilgari artilleriya dushman pozitsiyasini qattiq toʻpga tutadi. — A. Qahhor, Oltin yulduz
2. koʻchma ayn. Toʻpotar.
Toʻpga yaqin, quyoshning oʻtli nafasi zoʻrayishi bilan bugʻ yoʻqolib, hamma yoq charaqlab ketdi. A. Muhiddin, H. — Tojiboyev, Otash qalbli qiz
Toʻpdan keyin Luqmonchaning onasi yetib keldi. — A. Muxtor, Tugʻilish
toʻp IV
ot Yumshoq narsaning yerga urilishidan chiqadigan kuchsiz tovush haqida.
Olma toʻp etib yerga tushdi. Tashqarida bir narsa toʻp etdi.