titramoq

fl. 1. Sovuqdan, qoʻrquvdan, hayajondan yoki darmonsizlikdan, kasallik va shu kabilardan qaltiramoq.

Hayot piq-piq yigʻlar, yelkalari dir-dir titrar edi. — M. Ismoiliy, Fargʻona tong otguncha

Koʻzlarimiz toʻqnashdi-yu, uning lablari titrab, koʻzlaridan ikki tomchi yosh dumalab ketdi. — M. Jabborov, Sevinch yoshlari

Shodligimdan oʻzimni yoʻqotayozdim, dagʻ-dagʻ titrayman. — Gazetadan

2. Qimirlamoq, tebranmoq, silkinmoq, larzaga kelmoq.

Baland, toʻgʻri oʻsgan, uchlari bir-biriga tutashgan qator teraklar jimgina titraydi. — Oybek, Tanlangan asarlar

Ali tajangning sargʻish moʻylovi titrab ketdi. — Oybek, Quyosh qoraymas

Gʻulomjonning gurzisi asov tosh ustiga dahshat bilan urilganda, butun togʻ titrar, ungur ichi gumburlab ketar edi. — M. Ismoiliy, Fargʻona tong otguncha

3. Titroqqa oʻxshash boʻlinib-boʻlinib chiqmoq, ifodalanmoq (ovoz, tovush haqida).

Qattiq titragan deraza orqali uzoqda oʻt-boʻronlar koʻrinadi. — Oybek, Quyosh qoraymas

— Qalay endi, tuzukmisiz? — Shukur, rahmat, —uning ovozi titrab, gapining oxiri yaxshi eshitilmadi. — S. Ahmad, Hukm

Uyning yaqindagina sirlangan, boʻyoq isi anqib turgan shifti ostida tor sadolari titrab ketdi. — Oʻ. Hoshimov, Bahor qaytmaydi

4. koʻchma Titroqqa oʻxshash ifoda bermoq, harakatlanmoq.

Soʻzlar ekan, yuragi mashʼum bir ehtimolning dahshatidan titrar, tili ham osonlik bilan harakatlanmas edi. — A. Qodiriy, Oʻtgan kunlar

Sovuqdan, qoʻrquvdan, hayajondan yoki darmonsizlikdan, kasallik va sh.k.dan qaltiramoq.TİTREMEK

дрожать, трепетать, сотрясаться, трястись

u sovuqdan titramoqda edi он дрожал от холода

dirildew, qaltıraw, qalshıldaw, zirildew

sich schütteln, rütteln vi

ЧК дрожать от РПinglizchato shiver with smth.nemischazittern vor D

U qattiq sovuqdan (nimadan?) titrar edi. Он дрожал от сильного холода (от чего?).

He shivered with terrible cold (what ... with?).

Er zitterte vor bitterer Kälte (wovor?).

ЧК трястись от РПinglizchato shake with smth.nemischasich schütteln vor D

Kulgidan (nimadan?) qizlar badani titrardi. Девочки тряслись от смеха (от чего?).

The girls shook with the laughter (what ... with?).

Die Mädchen schüttelten sich vor Lachen (wovor?).