tirmizak

ot 1. kest. Hali qoʻlidan biror ish kelmaydigan, turmushning ogʻir-yengilini koʻrmagan shaxs maʼnosida qoʻllanadi.

Sen men aytadigan ashulaga ham chang soldingmi, indamagan sari boshimga chiqib olmoqchimisan hali tirmizak. — S. Karomatov, Hijron

Hamma yigitlar urushga ketdi. Dalada xotinlar-u qarilar, tirmizakday boʻlib biz, bolalar, ishlaganmiz. — S. Anorboyev, Oqsoy

2. Shoʻx bolalarga nisbatan shumtaka, tirrancha kabi maʼnolarda ishlatiladigan undalma.

Hoy, omon boʻlgurlar, bularni [bolalarni] qayerdan topdinglar? Qidirmagan joyim qolmadi-ya! Ha, tirmizaklar! — P. Qodirov, Qalbdagi quyosh

Mabodo bironta bola tomdagi kaptarga tosh otsa, shiferni teshasan, tirmizak, deb uyigacha quvib boradi. — S. Ahmad, Choʻl shamollari