тирмашмоқ

фл. 1. Маҳкам ёпишиб, чирмашиб, юқори кўтарилмоқ, юқорига чиқмоқ.

Саккизта бола бирдан: Бўпти, жуда соз! дейишди-да, деворга тирмашиб, томга ғизиллашди. — Ойбек, Танланган асарлар

Ана, улар чўққининг ёнбошида ёʻл топиб, эчкилардай юқорига тирмашиб кетишди. — Ҳ. Назир, Сўнмас чақмоқлар

2. Маҳкам ушламоқ, ёпишмоқ.

Мен югуриб бориб, отамнинг оёғига ёпишдим, ранги қув ўчган, титраб турган Анвар унинг иккинчи оёғига тирмашди. — Ҳ. Аҳмар, Ким ҳақ?

Назокат ариқдан чиқиб олиши билан белига ва билагига қаттиқ титроқ қўллар тирмашаётганини кўрди. — А. Мухтор, Опа-сингиллар