tirkamoq

fl. 1. Biror qurol, moslama va shu kabilarni yurgizuvchi mashina, ulovga biriktirmoq, ulamoq.

Vagonlarni parovozga tirkamoq. Seyalkani traktorga tirkamoq.

Qodirni dafn qilib qaytganlarida, sharq tomondan pachagʻi chiqqan Volgani yuk ma-shinaga tirkab kelishayotganini koʻrishdi. — J. Abdullaxonov, Toʻfon

2. Birga qoʻshib qoʻymoq, qatoriga qoʻshmoq, kiritmoq.

Mirza Muhiddin Ibrohimovning ishiga yangi hujjatlar tirkadi. — A. Qahhor, Sarob

Abdurasul Aleksey bilan maslahatlashib, uning [Turdiboyning] arizasini quloqlar va dargumon odamlardan tushgan arizalar delosiga tirkab qoʻydi. — P. Tursun, Oʻqituvchi

Boʻtaboy Sodiq tarangni quloqlar roʻyxatiga tirkab yubordi. — S. Ahmad, Hukm

3. koʻchma Biriktirib, bogʻlab qoʻymoq (yor-damchi, oʻrganuvchi shogird sifatida).

Yaxshi oʻzlashtirmayotgan oʻquvchini aʼlochilardan biriga tirkab qoʻydi.

4. Tiramoq, suyamoq.

Shaftoliga ayri tirkamoq.

Zikriyo bilan Azizboy uning [eshonning] qoʻltigʻidan olib, soʻriga oʻtqazadilar, yonboshiga paryostiqlarni tirkab qoʻyadilar. — N. Safarov, Sharq tongi

Ular narvonchani tokchalarga tirkab qoʻydilar. — A. Muxtor, Chinor

1. прицеплять, зацеплять

2. прибавлять, подшивать (к делу)

3. заключать, заносить

• daftarga tirkamoq заносить (записывать) в книгу или журнал

v add, join, append, hitch, harness, hook (on, to), hitch (to)

1. tirkew, jalǵastırıw, bir-birine diziw

2. dizimge alıw, esapqa qosıw, qatarına qosıw, qosıp qoyıw

3. awıs. biriktiriw, baylap qoyıw

4. tirew, súyew

anhängen vt, anecken vt, ankuppeln vt