tilsim

ot 1. Sehrlab qoʻyilgan, sehrli narsa; hech kim kira olmaydigan sehrli joy.

Tantiboyvachcha bobilladi: — Dev poylagan tilsimdan uni qaysi mard olib ketdi? — Oybek, Tanlangan asarlar

Ishchining bu soʻzlari Sergeyga tilsimning kalitiga oʻxshab tuyuldi. — H. Gʻulom, Mashʼal

2. koʻchma Har qanday sirli, narsasini bilib, topib boʻlmaydigan, yashirin joy.

Ehtimol, javohir saqlagan sandiq, Tilsim boyliklarga kondir bu taqir. — Uygʻun, Hayot chaqiradi

Meʼmor tabiat dashtni ataylab yasagan, ey odamzod, tilsimini top-u, oʻzingga boʻysundir, shunda xizmatingni oʻtayveradi. — Oʻzbekiston qoʻriqlari