ТЕРРЕЙН

Terreyn — yot (ekzotik) bloklar koʻrinishidagi akkretsion (massasi ortayotgan) kontinental chekkalarning tuzilish elementi. Uni tuzuvchi togʻ jinslari hozirgi joyidan juda uzoq masofada, butunlay boshqa paleogeografik va paleoiqlimli sharoitlarda hosil boʻlgan. T.lar atrofdagi jinslardan tarkibining keskin farq qilishi va hamma joyda ham ular bilan tektonik kontaktda boʻlishi bilan ajralib turadi. Boshqa geografik oʻlkaga taalluqli fauna va floralarning hozirda kontinent chekkasi bilan tutashib ketgan jinslarda uchrashi ham uning muhim belgilaridan biri hisoblanadi. Paleomagnit oʻlchov natijalari ham T. jinslarini hozirda joylashgan joylaridan juda uzoq masofada hosil boʻlganligidan darak beradi.