ТЕПЛОТА СГОРАНИЯ ГАЗА

1m³ yoki 1 kg gaz yonganda ajraladigan issiqlik miqdori (kJ). Quruq gaz (suv bugʻlarisiz) yuqori issiqlik beradi, nam gaz (suv bugʻli) kam issiqlik chiqaradi. Uglevodorodlarning yonish issiqligi molekula massasi oshishi bilan koʻpayib boradi. Tabiiy gazlarning oʻrtacha issiqlik berishi 35160 kJ/m³. Uglevodorodlar yonganda, quruq tutunli gazlardan tashqari, suv bugʻlari ham hosil boʻladi. Yonishdan ajralib chiqqan toʻliq issiqlik miqdori yuqori yonish issiqligi deb yuritiladi. Bundan suvning bugʻlanishidan hosil boʻlgan yashirin issiqlikni olib tashlansa, past yonish issiqligi boʻladi. Har xil yonuvchi gazlarning yuqori va quyi yonish issiqligi T.4-jadvalda keltirilgan. Toʻliq yonish uchun zarur boʻlgan kislorod yoki havoning miqdori va yonuvchi moddalarning nazariy tarkibi T.5-jadvalda berilgan (m³/1m³ da). Gaz yonganda yondirish qurilmalari ortiqcha havo bilan ishlaydi. Havoning ortiqlik koeffitsiyenti yondirish qurilmasining va yonilgʻining turiga bogʻliq. Yonish issiqligi kalorimetr va mikrokalorimetrlarda aniqlanadi. G.yo.i. uning tarkibi va undagi komponentlarning yonish issiqligiga bogʻliq va u quyidagi formula orqali aniqlanadi: $Q_n = \frac{Q_1Y_1 + Q_2Y_2 + ... + Q_kY_k}{100}$, bunda $Q_n$ — gazning past yonish issiqligi, kkal/m²; $Y_1, Y_2, ... Y_k$ — gaz tarkibidagi yonuvchi komponentlar (hajmi boʻyicha, %); $Q_1, Q_2, ... Q_k$ — har bir komponentning 1m³ hajmdagisining yonish issiqligi., Gazning yonish issiqligi