ТЕПЛОФИЗИЧЕСКИЕ КОЭФФИЦИЕНТЫ ПОДЗЕМНЫХ ВОД

neft-gaz konlari geologiyasi va gidrogeologiyasining turli masalalarini hal qilish maqsadida togʻ jinslarining termik xususiyatlarini oʻrganish. Togʻ jinslarining issiqlik parametrlariga: solishtirma issiqlik oʻtkazuvchanligi yoki issiqlik qarshiligi $E = \frac{1}{\lambda}$, solishtirma issiqlik sigʻimi ($c$) va harorat oʻtkazuvchanlik ($a$) kiradi. Solishtirma issiqlik oʻtkazuvchanligi ($\lambda$) deganda muhitning issiqlik berish xususiyati tushuniladi. Issiqlik oʻtkazuvchanlik issiqlik oqimini vattda tavsiflaydi, uning qiymati vaqt birligida kesimi 1 m², balandligi 1 m, uzunligi 1 m boʻlgan jinslardan oʻtadigan issiqlik oqimi temperaturasining 1°S ga oʻzgarishini ifodalaydi, oʻlchovi Vt/m·gradus. Solishtirma issiqlik sigʻimi ($c$) deganda moddaning 1°S ga qizdirish uchun zarur boʻlgan issiqlik miqdori tushuniladi, J/kg·gradusda ifodalanadi. Harorat oʻtkazuvchanlik ($a$) birlik hajmdagi jins temperaturasini vaqt birligida oʻzgarishini tavsiflaydi, yaʼni qatlam boʻylab temperatura oʻzgarishining tarqalish tezligini (m²/s) ifodalaydi. Neftga toʻyingan jinslarning issiqlik koeffitsiyenti suvga toʻyinganlariga nisbatan yuqori boʻladi. Neft va gaz konlaridagi yer osti suvlarining issiqlik-fizikaviy koeffitsiyentlari yer osti suvlarining egikliklardan tabiiy va sunʼiy drenaj oblastlari tomon harakatlanishini hamda neft va gaz uyumlari chegarasidagi issiqlik oqimini hisoblashda zarur. Shuningdek, ulardan geologik kesimlarni ajratishda, quduqlar tomon boʻladigan suv oqimini tadqiqot qilishda, neft olishni jadallashtirish loyihasini ishlashda, jinslarning neft-gazga toʻyinganligini aniqlashda, neft-gaz kontaktlari holatini belgilashda foydalaniladi., Yer osti suvlarining teplofizik koeffitsiyentlari