ТЕОРИЯ ПОЗНАНИЯ

bilish protsessining manbalari va asosiy qonuniyatlari, haqiqatni aniqlashning forma va metodlari haqidagi taʼlimot. Materialistik B. n. sezgi, idrok, tasavvur va tafakkur real narsalarni, ularning xususiyat va munosabatlarini aks ettiradi, binobarin, barcha aqliy protsesslar oʻzining obyektiv mazmuniga egadir, degan qoidaga asoslanadi. Idealizm esa ruhni birlamchi deb, bilimlarning mazmunini, subyektiv sabablarga koʻra, sof ruh tomonidan yaratilgan degan uydirmaga asoslanadi. Dialektik materializm B. n. ning asosiy prinsipi obyektiv olam inson irodasi va ongidan tashqari mavjuddir, olam harakatdagi materiyadan iborat, bilish esa materiyaning formalari, xususiyat va munosabatlarini aks ettirishdir, degan qoidaga asoslanadi. Dialektik materializm B. n. dunyoni va uning qonuniyatlarini bilish mumkin degan qoidaga koʻra, obyektiv bilishni inkor qiluvchi agnostitsizmga qarshidir. Dialektik materializm B. n. bilish ijtimoiy amaliyotga asoslanadi, degan qoidaga tayanadi. Bilish protsessi ikki bosqichdan iborat boʻladi (q. Ratsionalnoye poznaniye, Chuvstvennoye poznaniye)., bilish nazariyasi