ТЕКТОНИЧЕСКИЙ ПОКРОВ

структура сифатида йирик бир бутун аллохтон мажмуа бўлиб, субгоризонтал ёʻналишда қалинлигига нисбатан бир неча баробар катта масофага силжиган бўлади. Алпинотип тектоникага мансуб бўлиб, сиқилиш жараёнлари билан узвий боғлиқдир. Иккита йирик генетик гуруҳлар ажратилади: 1) бурмалардан ажралган Т.қ. — субгоризонтал ажралиш жараёнида пайдо бўлган ётиқ ва тескари бурмали Т.қ.; 2) узилган Т.қ. — қатларнинг изчил кетма-кет ётиши бўйича ундан узилиб чиққан Т.қ.. Узилган Т.қ. алп орогенида жуда кенг тарқалган ва энг узоқ масофага силжиган. Бундан ташқари, Т.қ. фациал ўзгаришларга кўра — полифациал, фациал, фраксион-фациал; силжиш катталигига кўра — паравтохтон, аллохтон, ултратектоник; ўлчамга кўра — асосий ва иккиламчи; силжиш механизмига кўра — сурилма қоплам, судрама қоплам, гравитацион сирғалиш; пойдевор мажмуаси ва чўкиндилар табиатига кўра — пойдевор қоплами, пўст қоплами ва бошқа турларга бўлинади., Тектоник қоплама