ТЕКТОНИЧЕСКИЙ ПОКРОВ

struktura sifatida yirik bir butun alloxton majmua boʻlib, subgorizontal yoʻnalishda qalinligiga nisbatan bir necha barobar katta masofaga siljigan boʻladi. Alpinotip tektonikaga mansub boʻlib, siqilish jarayonlari bilan uzviy bogʻliqdir. Ikkita yirik genetik guruhlar ajratiladi: 1) burmalardan ajralgan T.q. — subgorizontal ajralish jarayonida paydo boʻlgan yotiq va teskari burmali T.q.; 2) uzilgan T.q. — qatlarning izchil ketma-ket yotishi boʻyicha undan uzilib chiqqan T.q.. Uzilgan T.q. alp orogenida juda keng tarqalgan va eng uzoq masofaga siljigan. Bundan tashqari, T.q. fatsial oʻzgarishlarga koʻra — polifatsial, fatsial, fraksion-fatsial; siljish kattaligiga koʻra — paravtoxton, alloxton, ultratektonik; oʻlchamga koʻra — asosiy va ikkilamchi; siljish mexanizmiga koʻra — surilma qoplam, sudrama qoplam, gravitatsion sirgʻalish; poydevor majmuasi va choʻkindilar tabiatiga koʻra — poydevor qoplami, poʻst qoplami va boshqa turlarga boʻlinadi., Tektonik qoplama