тегишли

сфт. 1. Талабга, вазиятга, қонун-қоидага ва шу кабиларга мос, мувофиқ; шу жиҳатдан керак, лойиқ, лозим бўлган.

Тегишли хулоса чиқармоқ. Тегишли чораларни кўрмоқ. Тегишли ҳужжат кўрсатмоқ.

Бу хабарни профессорга билдирдим, ундан тегишли консултация олдим. — Ойдин, Уялди шекилли, ерга қаради

Элмурод ҳам унинг феълини билиб, ҳар бир саволига тегишли жавобни бериб турар эди. — П. Турсун, Ўқитувчи

Пахтакорларнинг ҳамиша ўз сўзларининг устидан чиқиши учун тегишли шароит ҳам яратиб берилиши лозим. — Газетадан

2. Кимса ёки нарсага қарашли, алоқа-дор, тааллуқли бўлган.

Уларнинг [хотинларнинг] чағир-чуғур аралаш қаҳқаҳалари ҳовлини янгратади. Гулнорга тегишли тўрдаги бир уй, бир айвон жимжит. — Ойбек, Танланган асарлар

Бўстон, бу гап сенга тегишли. — С. Зуннунова, Янги директор

Абдулазиз, ўғиллари отларни суғориб, араваларни шай қилиб қўйганини, карвонсарой соҳиби ҳам унга тегишли одам эканини айтди. — Мирмуҳсин, Меъмор

— Дадам ҳар кишининг ўзига тегишли гапни айтадилар, — деди Онабиби Бозор-қулга. — А. Мухтор, Чинор

3. Дахли бўлган, муайян, белгили.

Сенлар билан тегишли жойда гаплашаман, эртагаёқ домла-имомлар билан орани очди қиламан. — С. Кароматов, Ҳижрон

Тегишли юқори ташкилотга етиб борган иғвони текшириш учун зудлик билан турт-беш кишидан иборат комиссия жўнатилди. — Э. Усмонов, Ёлқин

Сессия, шунингдек, халқ депутатлари тегишли Кенгаши депутатларининг камида учдан икки қисмининг ташаббусига биноан ҳам чақирилиши мумкин. — Газетадан

4. Ўзига яраша, лозим бўлган; керакли.

Текинхўр ва безорилар одил суд томонидан тегишли жазосини олди. Газетадан. Соиб Исмоиловнинг жасоратидан руҳланган жанг-чиларимиз душман ҳамласига тегишли жавоб бердилар. — Т. Рустамов, Мангу жасорат

1. Талабга, вазиятга, қонун-қоидага ва sh.k.ga мос, мувофиқ.DAİR, AİT

2. Қарашли.İLGİLİ, MENSUP

а concerning, corresponding, necessary, suitable, appropriate, belonging, relating, designated

1. tiyisli

2. qaraslı, baylanıslı

3. kerekli

gehörig, entsprechend

бу сенга тегишли эмас das betrifft dich nicht

proper