taxtiravon

ot 1. Sharq mamlakatlari va Janubiy Amerikada: maʼlum bir safar chogʻida oliy martabali shaxslar oʻtqazilib, sopi yelkaga qoʻyib koʻtariladigan yoki fil ustiga oʻrnatiladigan, usti berk hashamdor zambar.

Bizlar Shohrux janoblarini suyab, xachirdan tushirdik va avaylab, taxtiravonga soldik. Toʻrt mulozim ul taxtiravonni yelkalab, lashkargohdagi bir chodirga eltib, oʻsha yerga janoblarini yotqizdilar. — M. Osim, Zulmat ichra nur

2. koʻchma Ravon, tekis (yoʻl haqida).

Fabrikaning yoʻlini taxtiravon desang-chi, Fabrikaning qizini qandak oʻrik desang-chi. — Folklor