тансиқ

сфт. 1. Кам қилинадиган ёки бирор жойда кам бўладиган, лекин севиб ейиладиган.

Тансиқ овқат. Тансиқ мева.

Қази-қарта, кабоб, палов, бешбармоқ, Қовун-тарвуз, мева, саримой, қаймоқ, Тансиқ ҳисобланган ҳар нимаки бор, Дастурхонимизда сизга интизор. — Уйғун

2. Умуман, кам топиладиган, кам бўладиган, кам учрайдиган; ноёб.

Адолат извошдаги тансиқ моллар, зеб-зийнат буюмларини кўриб, шуларнинг ҳаммаси бир бригадага тегишли эканига ишонмади. — И. Раҳим, Чин муҳаббат

— Жуда иймансангиз, мана, бир қучоқ гул, бера қоласиз, — деди ҳазилсимон Комила. — Ана тансиқ совға! — Ойбек, Олтин водийдан шабадалар

[Тантибойвачча] Жондор вагончи каби дўстини ғоят қувонтирган ажойиб тансиқ ўтириш ваъдасининг бундай ишкал бўлиб чиққанидан уялди. — Ойбек, Танланган асарлар